Matthias Ibenthaler

a
  • 4 children
  • 12 grandchildren

Parents

Marriages and children

Siblings

Ancestors

Ludwig Köbelin 1708-1754










































Matthias Ibenthaler 1817-1894

Notes

1 - Ortsfamilienbuch Eichstetten

1845 nach CH-Basel. Schneider. Bürgerbuch 1845. Die Familie lebt in Basel. OSB Weil <4175>

2 - Oberbadisches Volksblatt, 18.02.1961

2.1 - Wem soll die Schibe goh?

D'Fasnecht lit hinter'is und der Johrmärt au. Und as alles si rächti Ordnig het, so wie's mueß si, so brenne morn am Sunntig Invokavit nach altem Gebruuch in Stadt und Land d'Fasnechtsfüürer. Scho het unse Leiser-Fritz alles schön parat g'macht, fescht unterstützt vo den Manne vom Werkhof und vo der Füürwehr. D'Schibe sin da, d'Schibebänk sin ufgstellt und au d'Buebe und d'Maidli, wo mit ihre Sammellischte unterwegs gsi sin, hän nit überall vergeblich a'g'chlopft. Und der Wettergott meints jo b'sunders guet. Am Johrmärt het eim grad ebbis g'fehlt, wo's emol usnahmswiis nit g'rägnet het.

Scho unterem Johr isch der Neue-Hans us der Ufhabi emol bi mer gsi und het mer usem alte Blettli vo der drißger Johre e Bricht brocht übers Lörracher Fasnechtsfüür us alter Zyt. Er het's deheim no in sim Sekreteer g'ha. Ich vermuet, as es vom Lehrer Herbschter stammt oder vom Buser-Fritz. S'isch so heimeli g'schriebe, as i scho z'mitts unterem Johr dört e chaibe Freund dra g'ha ha. Drum han'is ufghobe und brings Euch do zuer Freud.

Fasnachtsfüür. E chleini Bschriebig, wie's früher gsi isch. Geschtert bin i am e Stammdisch gsesse, und do hän der Migger, dr Guschti und dr Noldi über's Fasnechtsfüür dischgeriert, wie's so in de 70er Johre zuegange isch. E jede het öbbis gwüßt, und alli drei hän sich grüseli gfreut über die schöne Johre vo ihrer Jugendzyt. D'Stadt het in der 70er Johre villicht fünfdausig Iwohner gha. D'Buebe hän Holz und Welle gsammelt, grad wie hüt, numme het's kei so große Huffe geh. 'S Holz hän d'Buebe in d'Schüüre obe am "Engel" do. Sellem Hüüsli het me's Semanne-Hüüsli gsait. Im Lauf vo de 70er Johre ischs no umbaut worde. No sin si zuem Buure-Metzger Hagi Hans, hinterem alte Chilchediener Neue Hans sim Huus gange, wo spöter dr Füchsli Rösch vo der Stadt pachtet het. Die chleini Wäge hän d'Buebe selber uf der Güggel gführt. Bi de größere Wäge hän si scho miesse Gäul neh. Der "alt Ibedahler" (Matthias Ibenthaler) het mit de Fuehrwerk vo KBC mänge Wäge uffegführt, und der Muny Jobbi au. Dr Binder Hans, der Zeller Jobbi, der Binder Guschti, dr Häfelinger Bammert und no vieli anderi hän zue seller Zyt un bis vorem Chrieg wertvolli Dienschte gleischtet fürs Fasnechtsfüür. E luschtig Gschichtli het's emol in de 70er Johre geh. Dr Bildhauer Baase Fritz, dä wo siner Zyt d'Löwechöpf bi der Vorschußbank g'macht het, dä het emol de Buebe si vierrederige Handwage geh. Dä Handwage het aber kei Mechanik gha. Mit Seiler und Bängel hän die Buebe vorne a'gspannt. Zwei Buebe sin an der Deichsle gsi und die andere hän vergässe, 's Bremsseil hinte am Wage a'zhänge, demit ma bremse cha. Der Engler Dolf und dr Engler Ernst sind ufem Wage g'hockt. Gschwitzt hän die Buebe, bis sie der Wage uf de Hüenerberg brocht gha hän. Wo sie fascht dobe gsi sin, hän sie der Wage nümmi halte chönne. E Bremsli het gfehlt und der Chare isch rückwärts 's Loch ab g'saust. Im letschte Moment hän die beide Engler Buebe no abegumpe chönne, un der Handwage isch der Güggel ab in d'Staigruebe. Der Schterkscht, wo dr Wage hät hebe chönne, isch nämlig in der Hürscht g'hockt un het miesse bubbe. Die Rutschpartie isch no guet abgloffe für die Buebe, aber der Wage isch halt zum Deufel gsi. Dr Boose Fritz het aber für dä verheit Wage 18 Gulde verlangt. Dobe hän die Buebe ihri Schibebänk g'ha un hän ihri selbergmachte Schibe un Redli gschlage. Do isch's abgegange zuem "Engel". Dört het's Wii, Weckli und Wurscht geh. Derbi sin Lieder gsunge worde und 's isch immer schön gsi. Spöter hän die Buebe au bim Lasser und Reitter a'g'chehrt und sin no uf der Märtplatz. So isch's jedes Johr si gliiche Weg gange. D'Stadt isch größer worde und 's Fasnechtsfüür au. Nur vornehm Chrieg het's Riibereie geh mit de Stettemer, wo sie als versuecht hän, enander der groß Huffe a'z'zünde. No nem Chrieg sin beherzti Männer wieder ans Werk gange und hän dä uralt alimannisch Bruuch witer duregführt. 'S isch schier fascht scho sowit gsi, as mers Fasnechtsfüür het welle verbiete. Aber die Manne hän sich das nit g'falle loh un hän bohrt und bohrt, bis die Gedanke bigrabe worde - und so isch de Heimetbruuch wieder mehr zur Geltig cho. Das Johr stöhn mir wieder vorem Fasnechtsfüür, un die Manne hän sich wieder agstrengt, daß es öbbis Rechts wird und in Ordnig nach alter Väter Sitte duregfiehrt wird. D'Spiellüt und d'Stadtmusik wirke wieder mit, wie alli Johr nochem Chrieg. Dr Burgimeischter und dr. Schuelrektor hän au ihri Unterstützig zuegsait. Und wenn zuem Schluß vo dere schöner Fiir ufem Kaserneplatz das gemeinsame Lied: "Im schönsten WIesengrunde", zuem Chilchturm uffeschallt, so erlebe wieder viele Buebe und Maidli, wo frieher 's Fasnechtsfüür mitgmacht hän, ihri Jugendzyt und freue sich, daß mer no unser Lörrecher Fasnechtsfüür erhalte hän chönne.

Schibi, Schibi, Schibo! Wem soll die Schibe goh? Schibe, saus hoch über der Rai 's bedütet Glück für unsi Gmei! Glück für unsi Gmei! Jo, miseel, das soll is Fasnechtsfüür aus das Johr wieder bringe.

Euere Müpfi us der Haagemer Strooß drei.

Sources:
- person, death: Sanderein Tendies-Ibenthaler
- birth: OFB Eichstetten

Note: Missing data can be supplemented and incorrect data corrected, please contact Geneee.